Moura Doncela

A colección de Mouras son a nosa particular homenaxe á figura de Moura, sendo o ser máis importante dentro da mitoloxía galega. Son moitas as lendas, refráns, contos e espazos relacionados con ela, en calquera das súas tres facetas: doncela, raíña ou vella mais para nós tamén é unha oportunidade fermosa para falar dos ciclos da vida e da feminidade.

A Moura Doncela é quen máis frecuentemente aparece nas lendas, como muller fermosa peiteando longos cabelos. Con encantos, con tesouros. Con ela, baixo a lúa crecente, celebramos a primavera, o espertar da vida, a menarquia feminina.