Preguntas frecuentes
Queres saber cales son as dúbidas máis habituais da nosa clientela? Aquí podes atopalalas, e de non ser así, ponte en contacto connosco.
A que lugares enviamos?
Enviamos a Península e as Illas Baleares
Cales son as nosas formas de pago?
As compras realizadas a través da nosa web son seguras: os teus datos persoais e bancarios quedan protexidos, sen seren accesibles a persoas non autorizadas en ningún momento do proceso.
As nosas formas de pago son:
Tarxeta de crédito Visa o Mastercard: Unha modalidade totalmente segura. Os teus datos bancarios quedan protexidos do acceso non autorizado durante a transmisión.
Pay Pal: Se es cliente habitual deste servizo, podes empregalo para facer ou teu pagamento. Se seleccionas esta opción, ten en conta que o enderezo de envío será o indicado no pedido (non o indicado en Pay Pal).
Transferencia bancaria: Facendo unha transferencia ao número de conta que se che mostra ao rematar o proceso de compra. Recorda facer constar o teu número de pedido e nome. Non se considerará efectivo o pedido ata que confirmemos o correspondente ingreso e, polo tanto, os prazos de entrega comezan a contar a partir desa data. Se logo de 7 días non recibimos a transferencia, o pedido quedará desestimado.
Cales son os gastos de envío?
Os gastos de envío son de 5 euros e gratuíto para compras superiores a 50 euros na Península. Para envíos a outra parte do mundo, escríbenos un correo a [email protected] e organizamos.
Cal é o prezo dos produtos?
Os prezos que se indican a través do Sitio WEB inclúen o IVA.
Cal é o tempo de entrega dos pedidos?
Mitolóxicas entrega os pedidos ao servizo de paquetería nun prazo máximo de 24 horas laborais. O tempo de entrega habitual en península será de 48 a 72 horas en días laborais. Para Baleares, 72 horas.
Onde está a confirmación do meu pedido?
En canto recibimos a orde do teu pedido, enviámosche confirmación ao correo electrónico que nos facilites. Recorda que as veces os correos poden agocharse no SPAM! Engádenos á túa lista de remitentes seguros para evitar problemas.
Como podo realizar un cambio ou unha devolución?
Dispós de 15 días naturais dende que recibes o pedido para devolvelo ou cambialo.
Os pasos a realizar son os seguintes:
- Mándanos un correo a [email protected] indicándonos que queres proceder ao cambio/devolución. Mandarémosche un formulario para que nolo reenvíes cumprimentado. Non aceptaremos ningún cambio ou devolución sen esta comunicación previa.
- Coloca o artigo ou artigos que queiras devolver na súa embalaxe orixinal. Protéxeo ben para que o produto non sufra danos.
- Envíao a:
Miudiño S.Coop.Galega
Camiño Pinguela, 2. 36315 Freixo, Valadares
Vigo, Pontevedra - Unha vez recibamos o paquete e revisemos que todo está ben, enviarémosche un correo electrónico de confirmación e che devolveremos o diñeiro de inmediato ou procederemos a efectuar o cambio por outro produto.
- Os gastos de envío da devolución correrán ao teu cargo, agás nos produtos devoltos ou cambiados por defectos de fabricación ou erro pola nosa parte. Non aceptaremos envíos a portes debidos.
Como podo solicitar a factura do meu pedido?
A nosa factura emítese sempre por defecto e chegará ao correo electrónico que facilites cando fagas a compra. Recorda que as veces os correos poden agocharse en SPAM, senón é así podes poñerte en contacto en [email protected].
Como podo estar ao día das vosas novas?
Podes facelo a través das nosas redes sociais (Enlaces a pé de páxina) e a través da nosa newsletter.
Cales son as medidas dos produtos?
Indícanse na pestana de atributos xunto a pestana da descrición. Se tes dúbidas podes contactar por correo electrónico a [email protected].
Como podo poñerme en contacto con vós?
Para calquera consulta sobre pedidos e produtos, contáctanos por correo electrónico a [email protected].
Como podo vender os vosos produtos na miña tenda?
Envíanos un correo electrónico a [email protected] e darémoste resposta o antes posible.
Como podo ver os vosos produtos?
En Feiras e nos nosos puntos de venda. Consulta nas nosas redes sociais!
Cales son as feiras nas que adoitamos estar?
O Culturgal é a nosa feira imprescindible, e o resto ímolas publicando nas redes sociais.
