Trubinco

Os Trubincos forman parte da tradición invernal galega e foron recollidos e descritos por Rafael Quintía nas súas investigacións sobre mitoloxía popular. Segundo o saber popular, aparecen nas casas pola Noiteboa, entrando pola cheminea na busca do seu prezado agasallo, piñas cubertas de brea, necesarias para que o lume nos dea luz neste tempo de escuridade.

E que pasa se nada lle deixas? Que farán trasnadas ao seu paso: mover cousas de sitio, remexer caixóns, cambiar obxectos de lugar ou provocar pequenos ruídos misteriosos que anuncian a súa presenza.

Este Trubinco é unha peza totalmente artesanal, creada no noso obradoiro con corpo de algodón, recheo de lá natural de ovella e cabelo de lá tinguida con elementos naturais. O xersei está tricotado a man en lá natural, e a súa roupa nace de retallos doados, convertindo cada boneco nun exemplar único. Conta co Selo de Artesanía de Galicia, que certifica a súa orixe e o proceso coidadoso co que foi elaborado.

Se buscas unha versión máis pequena e pensada como adorno, tamén dispoñemos dos Trubincos de Namoreiras, que inclúen a súa tradicional galleta.
→ Aquí podes velos: