Moura Nai

A colección de Mouras son a nosa particular homenaxe á figura de Moura, sendo o ser máis importante dentro da mitoloxía galega. Son moitas as lendas, refráns, contos e espazos relacionados con ela, en calquera das súas tres facetas: doncela, raíña ou vella mais para nós tamén é unha oportunidade fermosa para falar dos ciclos da vida e da feminidade.

A Moura Nai aparece nas lendas cargando e transportando grandes penedos ás costas, co fillo a colo e fiando nas rocas. Con ela, baixo a lúa chea, celebramos a chegada do verán, das colleitas e festexos. Celebramos a maternidade de fillas e fillas, de ideas e proxectos que podemos crear, coidar e ver medrar.