HEICHAS CONTAR

Esta obra é un compendio de 175 lendas recollidas polo antropólogo Rafael Quintía ao longo de quince anos de traballo de campo por Galicia. Unha escolma de material mitolóxico que servirá para engrosar aínda máis o valioso fardel da nosa literatura oral.

A obra pretende dar voz e renderlle unha homenaxe a todos aqueles homes e a todas aquelas mulleres que tiveron a ben compartir co autor os seus saberes, as súas historias e o seu patrimonio oral ao longo destes anos de investigación ao redor do patrimonio inmaterial galego.